رند خراب حال کو زاہد نہ چھیڑ تو
رند خراب حال کو زاہد نہ چھیڑ تو تجھ کو پرائی کیا پڑی اپنی نبیڑ تو ناخن خدا نہ دے تجھے اے پنجۂ جنوں دے گا تمام عقل کے بخیے ادھیڑ تو اس صید مضطرب کو تحمل سے ذبح کر دامان و آستیں نہ لہو میں لتھیڑ تو چھٹتا ہے کون مر کے گرفتار دام زلف تربت پہ اس کی جال کا پائے گا پیڑ تو اے زاہد دو رنگ نہ پیر آپ کو بنا مانند صبح کاذب ابھی ہے ادھیڑ تو یہ تنگنائے دہر نہیں منزل فراغ غافل نہ پاؤں حرص کے پھیلا سکیڑ تو ہو قطع نخل الفت اگر پھر بھی سبز ہو کیا ہو جو پھینکے جڑ ہی سے اس کو اکھیڑ تو جو سوتی بھیڑ باعث غوغا جگائے پھر دروازہ گھر کا اس سگ دنیا پہ بھیڑ تو عمر رواں کا توسن چالاک اس لیے تجھ کو دیا کہ جلد کرے یاں سے ایڑ تو آوارگی سے کوئے محبت کی ہاتھ اٹھا اے ذوقؔ یہ اٹھا نہ سکے گا کھکھیڑ تو
English rendering
Rind-e-kharaab haal ko zaahid na chhed tu Tujh ko paraai kya padi apni niber tu Naakhun Khuda na de tujhe aye panja-e-junoon De ga tamaam aql ke bakhiye udhed tu Is sayd-e-muztarib ko tahammul se zabah kar Daaman-o-aasteen na lahoo mein latheed tu Chhut-ta hai kaun mar ke giraftaar-e-daam-e-zulf Turbat pe us ki jaal ka paaye ga ped tu Aye zaahid-e-do-rang na peer aap ko bana Maanind-e-subh-e-kazib abhi hai udhed tu Ye tangna-e-dehar nahin manzil-e-faraagh Ghaafil na paao'n hirs ke phaila sakeed tu Ho qata-e-nakhl-e-ulfat agar phir bhi sabz ho Kya ho jo phenke jad hi se us ko ukhed tu Jo sooti bheed baais-e-ghaugha jagaaye phir Darwaza ghar ka us sag-e-duniya pe bheed tu Umr-e-rawaan ka tausan-e-chalaak is liye Tujh ko diya ke jald kare yaan se ed tu Aawargi se koo-e-mohabbat ki haath utha Aye Zauq ye utha na sake ga khakhed tu