اسے ہم نے بہت ڈھونڈا نہ پایا
اسے ہم نے بہت ڈھونڈا نہ پایا اگر پایا - تو کھوج اپنا نہ پایا جس انساں کو سگِ دنیا نہ پایا فرشتہ اس کا ہم پایا نہ پایا مقدر پہ ہی گر سود و زیاں ہے تو ہم نے یاں نہ کچھ کھویا - نہ پایا سراغِ عمرِ رفتہ ہو - تو کیونکر؟ کہیں جس کا نشاں نہ پایا رہِ گم گشتگی میں ہم نے اپنا غبارِ راہ بھی عنقا نہ پایا رہا ٹیڑھا مثالِ نیشِ کژدم کبھی کج فہم کو سیدھا نہ پایا احاطے سے فلک کے - ہم تو کب کے نکل جاتے - پر رستا نہ پایا جہاں دیکھا - کسی کے ساتھ دیکھا کبھی ہم نے تجھے تنہا نہ پایا کہے کیا ہائے زخمِ دل ہمارا ! دہن پایا - لبِ گویا نہ پایا کبھی تو اور کبھی تیرا رہا غم غرض - خالی دلِ شیدا نہ پایا نظیر اس کا کہاں عالم میں! اے ذوق کہیں ایسا نہ پائے گا - نہ پایا
English rendering
Use hum ne bahut dhoondha na paaya Agar paaya - to khoj apna na paaya Jis insaan ko sag-e-duniya na paaya Farishta us ka hum paaya na paaya Muqaddar pe hi gar sood-o-ziyan hai To hum ne yahaan na kuch khoya - na paaya Suraagh-e-umr-e-rafta ho - to kyoonkar? Kahin jis ka nishan na paaya Rah-e-gum-gashtagi mein hum ne apna Ghubaar-e-raah bhi anqa na paaya Raha tedha misaal-e-nesh-e-kazhdam Kabhi kaj-fehm ko seedha na paaya Ihaate se falak ke - hum to kab ke Nikal jaate - par rasta na paaya Jahaan dekha - kisi ke saath dekha Kabhi hum ne tujhe tanha na paaya Kahe kya haaye zakhm-e-dil hamara! Dehan paaya - lab-e-goya na paaya Kabhi tu aur kabhi tera raha gham Gharaz - khaali dil-e-shaida na paaya Nazeer us ka kahaan aalam mein! aye Zauq Kahin aisa na paaye ga - na paaya