سپیکرز
ایمان کا پیش کردہ کلام
فضا بدلے ہوا بدلے مکاں بدلے زماں بدلے
فضا بدلے ہوا بدلے مکاں بدلے زماں بدلے ذرا تم مسکرا تو دو کہ رنگ آسماں بدلے نہ پھولوں میں وہ بو باقی نہ تاروں میں ضیا باقی نگاہ ناز کیا بدلی زمین و آسماں بدلے کہو تو کچھ ملا بھی جاں نثاروں پر ستم کر کے نہ کچھ حاصل ہو جس سے اب وہ طرز امتحاں بدلے وہی ہم ہیں وہی ناکامیاں ہیں اور وہی غم ہے نہ دور آسماں بدلا نہ دور آسماں بدلے خدا کیا اور بت کیا دیر و کعبہ کیا کلیسا کیا نظر آئے تمہیں ناشادؔ کو نام و نشاں بدلے
دل جو شائستۂ جفا نہ ہوا
دل جو شائستۂ جفا نہ ہوا لذت غم سے آشنا نہ ہوا تو کبھی پاس سے جدا نہ ہوا دل مگر صورت آشنا نہ ہوا زندگی کا مزہ وہ کیا جانے جس کو مرنے کا حوصلہ نہ ہوا ہم کو شکوہ رہا جدائی کا اور تو پاس سے جدا نہ ہوا تم سے کہنے سے فائدہ کوئی خیر جو کچھ ہوا برا نہ ہوا سوچتے ہی رہے کہیں نہ کہیں نہ ہوا عرض مدعا نہ ہوا یاد کرتے ہیں حسن و عشق ہمیں مر کے بھی ختم سلسلہ نہ ہوا دام الفت میں جو پھنسا ناشادؔ ہو کے آزاد بھی رہا نہ ہوا