نایاب — ہے بولنا بھی رسم جہاں بولتے رہو باقی صدیقی

سپیکرز

نایاب کا پیش کردہ کلام

ہر طرف بکھر ہیں رنگیں سائے

ہر طرف بکھرے ہیں رنگیں سائے راہ رو کوئی نہ ٹھوکر کھائے زندگی حرف غلط ہی نکلی ہم نے معنی تو بہت پہنائے دامن خواب کہاں تک پھیلے ریگ کی موج کہاں تک جائے تجھ کو دیکھا ترے وعدے دیکھے اونچی دیوار کے لمبے سائے بند کلیوں کی ادا کہتی ہے بات کرنے کے ہیں سو پیرائے بام و در کانپ اٹھے ہیں باقیؔ اس طرح جھوم کے بادل آئے

— باقی صدیقی

ہم تو دنیا سے بد گماں ٹھہرے

ہم تو دنیا سے بد گماں ٹھہرے آگے دل کی خوشی جہاں ٹھہرے ہائے وہ قافلے جو لٹ کر بھی زیر دیوار گلستاں ٹھہرے آپ کو کارواں سے کیا مطلب آپ تو میر کارواں ٹھہرے زندگی چاہتی ہے ہنگامہ اور ہم لوگ بے زباں ٹھہرے کبھی تیری تلاش میں نکلے کبھی بن کر ترا نشاں ٹھہرے گردش دہر ساتھ ساتھ رہی ہم جدھر بھی گئے جہاں ٹھہرے ہر قدم پر تھا اک صنم خانہ کیا بتائیں کہاں کہاں ٹھہرے کچھ تو کج رو جہاں بھی ہے باقیؔ اور کچھ ہم بھی قصہ خواں ٹھہرے

— باقی صدیقی