نور مائیر — دل پر جو زخم ہیں وہ دکھائیں کسی کو کیا (حبیب جالب)

سپیکرز

نور مائیر کا پیش کردہ کلام

دھی کمی دی

دھی کمی دی وڈے گھر وچ بتیاں کردی ہنجُو پیندی، ہؤکے بھردی نہ اے جِیندی نہ ایہہ مردی بڈھے خان دا حقہ دیہن وچ سو سو واری تازہ کردی خان دا پتر بیٹھک دے وچ ہاسے بھانے بانہہ پھڑ لیندا ایویں ایویں کھیہندا کی دساں اوہ کی کی کہندا ادھیں راتیں چھوٹی بی بی کہندی اٹھ تکیئے ول چلیئے جے کمی نے پنڈ وچ رہنا فیر ایہہ سبھ کجھ کرنا پینا

— حبیب جالب

ماں بولی

پتراں تیری چادر لائی ہور کسے دا دوش نہ مائی غیراں کرودھ دی اوہ اگّ بالی سینے ہو گئے پیار توں خالی پتراں نوں توں لگیں گالی تینوں بولن توں شرماون غیراں ایسی 'وا وگائی پتراں تیری چادر لائی ایہناں کول زمیناں وی نے ایہناں ہتھ سنگیناں وی نے دولت بینک مشیناں وی نے نہ ایہہ تیرے نہ ایہہ میرے ایہہ لوکیں یوسف دے بھائی پتراں تیری چادر لائی ہور کسے دا دوش نہ مائی

— حبیب جالب