سپیکرز
ایم سعید کا پیش کردہ کلام
جاوداں قدروں کی شمعیں بجھ گئیں تو جل اٹھی تقدیر دل
جاوداں قدروں کی شمعیں بجھ گئیں تو جل اٹھی تقدیر دل آج اس مٹی کے ہر ذی روح ذرے میں بھی ہے تصویر دل اپنے دل کی راکھ چن کر کاش ان لمحوں کی بہتی آگ میں میں بھی اک سیال شعلے کے ورق پر لکھ سکوں تفسیر دل میں نہ سمجھا ورنہ ہنگاموں بھری دنیا میں اک آہٹ کے سنگ کوئی تو تھا آج جس کا قہقہہ دل میں ہے دامن گیر دل رت بدلتے ہی چمن چو ہم صفیر اب کے بھی کوسوں دور سے آ کے جب اس شاخ پر چہکے مرے دل میں بجی زنجیر دل کیا سفر تھا بے صدا صدیوں کے پل کے اس طرف اس موڑ تک پے بہ پے ابھرا سنہری گرد سے اک نالۂ دلگیر دل وار دنیا نے کئے مجھ پر تو امجدؔ میں نے اس گھمسان میں اپنا سینہ چیر کر رکھ دی نیام حرف میں شمشیر دل
ہو کے اس چشم مے پرست سے مست
ہو کے اس چشم مے پرست سے مست کیا الجھتا ہے آج مست سے مست ایک ہی لغزش اور گزر بھی گئے عقل کے ہر بلند و پست سے مست کون نظروں میں اب سمائے کہ ہم ہیں تری چشم مست مست سے مست اس گلستاں میں پینے آئے ہیں ہر گل سا نگیں بدست سے مست سب ہیں آغوش ہوش میں امجدؔ ایک ہی ہوں دم الست سے مست