راجا اکرام قمر — اس کی آواز میں تھے سارے خدوخال اس کے (ڈاکٹروزیر آغا)

سپیکرز

راجا اکرام قمر کا پیش کردہ کلام

چلو مانا ہمیں بے کارواں ہیں

چلو مانا ہمیں بے کارواں ہیں جو جزو کارواں تھے وہ کہاں ہیں نہ جانے کون پیچھے رہ گیا ہے مناظر الٹی جانب کو رواں ہیں زمیں کے تال سب سوکھے پڑے ہیں پرندے آسماں در آسماں ہیں سنا ہے تشنگی بھی اک دعا ہے لبوں پر شبد جس کے پر فشاں ہیں کھلے صحرا میں مت ڈھونڈو ہمیں تم سدا سے ہم تمہارے درمیاں ہیں

— وزیر آغا

ساری عمر گنوا دی ہم نے

ساری عمر گنوا دی ہم نے پر اتنی سی بات بھی ہم نہ جان سکے کھڑکی کا پٹ کھلتے ہی جو لش لش کرتا ایک چمکتا منظر ہم کو دکھتا ہے کیا وہ منظر کھڑکی کی چوکھٹ سے باہر سبز پہاڑی کے قدموں میں اک شفاف ندی سے چمٹے پتھر پر چپ چاپ کھڑے اک پیکر کا گم صم منظر ہے جس کو کھڑکی کے کھلنے نہ کھلنے سے کچھ غرض نہیں ہے یا ہم کھڑکی کے اندر کا منظر دیکھ رہے ہیں ساری عمر گنوا دی ہم نے

— وزیر آغا