سپیکرز
راجا اکرام قمر کا پیش کردہ کلام
بہارو میرا جیون بھی سنوارو
بہارو میرا جیون بھی سنوارو کوئی آئے کہیں سے یوں پکارو تمہیں سے دل نے سیکھا ہے تڑپنا تمہیں کو دوش دوں گی اے نظارو سجاؤ کوئی کجرا لاؤ گجرا لچکتی ڈالیو تم پھول وارو رچاؤ میرے ان ہاتھوں میں مہندی سجاؤ مانگ میری یا سدھارو نہ جانے کس کا سایہ دل سے گزرا ذرا آواز دینا رازدارو
مکان
مکان آج کی رات بہت گرم ہوا چلتی ہے آج کی رات نہ فٹ پاتھ پہ نیند آئے گی سب اٹھو،میں بھی اٹھوں،تم بھی اٹھو،تم بھی اٹھو کوئی کھڑکی اسی دیوار میں کھل جائے گی یہ زمیں تب بھی نگل لینے پہ آمادہ تھی پاؤں جب ٹوٹتی شاخوں سے اتارے ہم نے ان مکانوں کو خبر ہے نہ مکینوں کو خبر ان دنوں کی جو گھپاؤں میں گزارے ہم نے ہاتھ ڈھلتے گئے سانچے میں تو تھکتے کیسے نقش کے بعد نئے نقش نکھارے ہم نے کی یہ دیوار بلند ، اور بلند ، اور بلند بام و در اور ، ذرا اور سنوارے ہم نے آندھیاں توڑ لیا کرتی تھیں شمعوں کی لویں جڑ دئیے اس لئے بجلی کے ستارے ہم نے بن گیا قصر تو پہرے پہ کوئی بیٹھ گیا سو رہے خاک پہ ہم شورش تعمیر لئے اپنی نس نس میں لئے محنت پیہم کی تھکن بند آنکھوں میں اسی قصر کی تصویر لئے دن پگھلتا ہے اسی طرح سروں پر اب تک رات آنکھوں میں کھٹکتی ہے سیہ تیر لئے آج کی رات بہت گرم ہوا چلتی ہے آج کی رات نہ فٹ پاتھ پہ نیند آئے گی سب اٹھو،میں بھی اٹھوں،تم بھی اٹھو،تم بھی اٹھو کوئی کھڑکی اسی دیوار میں کھل جائے گی