سپیکرز
فائیٹر کا پیش کردہ کلام
نہ کر تلاش اثر تیر ہے لگا نہ لگا
نہ کر تلاش اثر تیر ہے لگا نہ لگا جو اپنے بس کا نہیں اس کا آسرا نہ لگا حیات لذت آزار کا ہے دوسرا نام نمک چھڑک تو چھڑک زخم پر دوا نہ لگا مرے خیال کی دنیا میں اس جہاں سے دور یہ بیٹھے بیٹھے ہوا گم کہ پھر پتا نہ لگا خوشی یہ دل کی ہے اس میں نہیں ہے عقل کو دخل برا وہ کہتے رہے اور کچھ برا نہ لگا چمک سے برق کی کم تر ہے وقفۂ دیدار نظر ہٹی کہ اسے ہاتھ اک بہانہ لگا مری تلاش تھی تشویش دیدۂ بے نور وہ ملتے کیا مجھے اپنا ہی جب پتا نہ لگا
بغور دیکھ رہا ہے ادا شناس مجھے
بغور دیکھ رہا ہے ادا شناس مجھے بس اب ذلیل نہ کر اے نگاہ یاس مجھے یہ دل ہے شوق میں بے خود وہ آنکھ نشہ میں چور جھکا نہ دے سوۓ ساغر بھڑکتی پیاس مجھے ادھر ملامت دنیا ادھر ملامت نفس بڑا عذاب ہے آئے ہوئے حواس مجھے پلٹ دو بات نہ لو منہ سے نام رخصت کا ابھی سے گھر نظر آنے لگا اداس مجھے جو ملتفت ہیں یہ نظریں بدل بھی سکتی ہیں بنا چکا ہے زمانہ ادا شناس مجھے