سپیکرز
ثنا سوئٹ کا پیش کردہ کلام
روشنی بن کے ستاروں میں رواں رہتے ہیں
روشنی بن کے ستاروں میں رواں رہتے ہیں جسم افلاک میں ہم صورت جاں رہتے ہیں ہیں دل دہر میں ہم صورت امید نہاں مثل ایماں رخ ہستی پہ عیاں رہتے ہیں جو نہ ڈھونڈو تو ہمارا کوئی مسکن ہی نہیں اور دیکھو تو قریب رگ جاں رہتے ہیں ہر نفس کرتے ہیں اک طرفہ تماشا پیدا ہم سر دار بھی تزئیں جہاں رہتے ہیں اور بھی اہل نظر ہیں کبھی دیکھو تو سہی ہم بھی اس شہر میں اے کم نظراں رہتے ہیں دل کی دھڑکن سے ملا ان کا پتہ کچھ ہم کو کس کو معلوم تھا ورنہ وہ کہاں رہتے ہیں وسعت دشت نہیں راس چمن زادوں کو ہم ترے شہر کی جانب نگراں رہتے ہیں اشک گرتے ہیں تو کچھ دل کو سکوں ملتا ہے ہائے وہ لوگ جو محروم فغاں رہتے ہیں زندگی بھر کا ہے احباب سے اس دشت میں ساتھ مثل جاں رہتے ہیں ہم عرشؔ جہاں رہتے ہیں
دل خوں ہے دل کا حال رقم ہو تو کس طرح
دل خوں ہے دل کا حال رقم ہو تو کس طرح دل سے قلم کا فاصلہ کم ہو تو کس طرح دل ہے کہیں دماغ کہیں اور ہم کہیں شیرازۂ حیات بہم ہو تو کس طرح کیوں کہیں کہ درد نہیں حاصل حیات پیش نظر جو ہے وہ عدم ہو تو کس طرح دل سے زباں زباں سے چھنی طاقت سخن مائل ادھر مزاج صنم ہو تو کس طرح دل کش بہت ہے ترک تعلق کا مشورہ خود پر مگر یہ طرفہ ستم ہو تو کس طرح میں اور میرے گرد یہ تنہائی سقر اے دل علاج سوز الم ہو تو کس طرح کیوں ضد ہے شہر یار کو اے عرشؔ اس قدر یہ سر کہ وقف دار ہے خم ہو تو کس طرح