سید جینٹلمین — مگر جو کھو گئی وہ چیز کیا تھی جاوید اختر

سپیکرز

سید جینٹلمین کا پیش کردہ کلام

کیوں زندگی کی راہ میں مجبور ہوگئے

کیوں زندگی کی راہ میں مجبور ہوگئے اتنے ہوئے قریب کہ ہم دور ہو گئے ایسا نہیں کہ ہم کو کوئی بھی خوشی نہیں لیکن یہ زندگی تو کوئی زندگی نہیں کیوں اس کے فیصلے ہمیں منظور ہو گئے پایا تمھیں تو ہم کو لگا تم کو کھو دیا ہم دل پہ روئے اور یہ دل ہم پہ رو دیا پلکوں سے خواب کیوں گرے کیوں چور ہو گئے

— جاوید اختر

جب آئینہ کوئی دیکھو اک اجنبی دیکھو

جب آئینہ کوئی دیکھو اک اجنبی دیکھو کہاں پہ لائی ہے تم کو یہ زندگی دیکھو محبتوں میں کہاں اپنے واسطے فرصت جسے بھی چاہے وہ چاہے مری خوشی دیکھو جو ہو سکے تو زیادہ ہی چاہنا مجھ کو کبھی جو میری محبت میں کچھ کمی دیکھو جو دور جائے تو غم ہے جو پاس آئے تو درد نہ جانے کیا ہے وہ کمبخت آدمی دیکھو اجالا تو نہیں کہہ سکتے اس کو ہم لیکن ذرا سی کم تو ہوئی ہے یہ تیرگی دیکھو

— جاوید اختر