سپیکرز
آبدار خان کا پیش کردہ کلام
مثال اس کی کہاں ہے کوئی زمانے میں
مثال اس کی کہاں ہے کوئی زمانے میں کہ سارے کھونے کے غم پائے ہم نے پانے میں وہ شکل پگھلی تو ہر شے میں ڈھل گئی جیسے عجیب بات ہوئی ہے اسے بھلانے میں جو منتظر نہ ملا وہ تو ہم ہیں شرمندہ کہ ہم نے دیر لگا دی پلٹ کے آنے میں لطیف تھا وہ تخیل سے خواب سے نازک گنوا دیا اسے ہم نے ہی آزمانے میں سمجھ لیا تھا کبھی اک سراب کو دریا پر اک سکون تھا ہم کو فریب کھانے میں جھکا درخت ہوا سے تو آندھیوں نے کہا زیادہ فرق نہیں جھکنے ٹوٹ جانے میں
دست بردار اگر آپ غضب سے ہو جائیں
دست بردار اگر آپ غضب سے ہو جائیں ہر ستم بھول کے ہم آپ کے اب سے ہو جائیں چودھویں شب ہے تو کھڑکی کے گرا دو پردے کون جانے کہ وہ ناراض ہی شب سے ہو جائیں ایک خوشبو کی طرح پھیلتے ہیں محفل میں ایسے الفاظ ادا جو ترے لب سے ہو جائیں نہ کوئی عشق ہے باقی نہ کوئی پرچم ہے لوگ دیوانے بھلا کس کے سبب سے ہو جائیں باندھ لو ہاتھ کہ پھیلیں نہ کسی کے آگے سی لو یہ لب کہ کہیں وہ نہ طلب سے ہو جائیں بات تو چھیڑ مرے دل کوئی قصہ تو سنا کیا عجب ان کے بھی جذبات عجب سے ہو جائیں