سپیکرز
مدثر ثانی کا پیش کردہ کلام
ہٹاؤ آئنہ امیدوار ہم بھی ہیں
ہٹاؤ آئنہ امیدوار ہم بھی ہیں تمہارے دیکھنے والوں میں یار ہم بھی ہیں تڑپ کے روح یہ کہتی ہے ہجر جاناں میں کہ تیرے ساتھ دل بے قرار ہم بھی ہیں رہے دماغ اگر آسماں پہ دور نہیں کہ تیرے کوچہ میں مست غبار ہم بھی ہیں کہو کہ نخل چمن ہم سے سرکشی نہ کریں انہیں کی طرح سے باغ و بہار ہم بھی ہیں ہمارے آگے ذرا ہو سمجھ کے زمزمہ سنج کہ ایک نغمہ سرا اے ہزار ہم بھی ہیں کہاں تک آئنے میں دیکھ بھال ادھر دیکھو کہ اک نگاہ کے امیدوار ہم بھی ہیں شراب منہ سے لگاتے نہیں ہیں اے زاہد فراق یار میں پرہیزگار ہم بھی ہیں ہمارا نام بھی لکھ لو جو ہے قلم جاری قدیم آپ کے خدمت گزار ہم بھی ہیں ہما ہیں گرد مری ہڈیوں کے آٹھ پہر سگ آ کے کہتے ہیں امیدوار ہم بھی ہیں جو لڑکھڑا کے گرے تو قدم پہ ساقی کے امیرؔ مست نہیں ہوشیار ہم بھی ہیں
تیر پر تیر لگاؤ تمہیں ڈر کس کا ہے
تیر پر تیر لگاؤ تمہیں ڈر کس کا ہے سینہ کس کا ہے مری جان جگر کس کا ہے خوف میزان قیامت نہیں مجھ کو اے دوست تو اگر ہے مرے پلے میں تو ڈر کس کا ہے کوئی آتا ہے عدم سے تو کوئی جاتا ہے سخت دونوں میں خدا جانے سفر کس کا ہے چھپ رہا ہے قفس تن میں جو ہر طائر دل آنکھ کھولے ہوئے شاہین نظر کس کا ہے نام شاعر نہ سہی شعر کا مضمون ہو خوب پھل سے مطلب ہمیں کیا کام شجر کس کا ہے صید کرنے سے جو ہے طائر دل کے منکر اے کماندار ترے تیر میں پر کس کا ہے میری حیرت کا شب وصل یہ باعث ہے امیرؔ سر بہ زانو ہوں کہ زانو پہ یہ سر کس کا ہے
تیر پر تیر لگاؤ تمہیں ڈر کس کا ہے
تیر پر تیر لگاؤ تمہیں ڈر کس کا ہے سینہ کس کا ہے مری جان جگر کس کا ہے خوف میزان قیامت نہیں مجھ کو اے دوست تو اگر ہے مرے پلے میں تو ڈر کس کا ہے کوئی آتا ہے عدم سے تو کوئی جاتا ہے سخت دونوں میں خدا جانے سفر کس کا ہے چھپ رہا ہے قفس تن میں جو ہر طائر دل آنکھ کھولے ہوئے شاہین نظر کس کا ہے نام شاعر نہ سہی شعر کا مضمون ہو خوب پھل سے مطلب ہمیں کیا کام شجر کس کا ہے صید کرنے سے جو ہے طائر دل کے منکر اے کماندار ترے تیر میں پر کس کا ہے میری حیرت کا شب وصل یہ باعث ہے امیرؔ سر بہ زانو ہوں کہ زانو پہ یہ سر کس کا ہے