سپیکرز
ایمان کا پیش کردہ کلام
ہیں نہ زندوں میں نہ مردوں میں کمر کے عاشق
ہیں نہ زندوں میں نہ مردوں میں کمر کے عاشق نہ ادھر کے ہیں الٰہی نہ ادھر کے عاشق ہے وہی آنکھ جو مشتاق ترے دید کی ہو کان وہ ہیں جو رہیں تیری خبر کے عاشق جتنے ناوک ہیں کماندار ترے ترکش میں کچھ مرے دل کے ہیں کچھ میرے جگر کے عاشق برہمن دیر سے کعبے سے پھر آئے حاجی تیرے در سے نہ سرکنا تھا نہ سرکے عاشق آنکھ دکھلاؤ انہیں مرتے ہوں جو آنکھوں پر ہم تو ہیں یار محبت کی نظر کے عاشق چھپ رہے ہوں گے نظر سے کہیں عنقا کی طرح توبہ کیجے کہیں مرتے ہیں کمر کے عاشق بے جگر معرکۂ عشق میں کیا ٹھہریں گے کھاتے ہیں خنجر معشوق کے چرکے عاشق تجھ کو کعبہ ہو مبارک دل ویراں ہم کو ہم ہیں زاہد اسی اجڑے ہوئے گھر کے عاشق کیا ہوا لیتی ہیں پریاں جو بلائیں تیری کہ پری زاد بھی ہوتے ہیں بشر کے عاشق بے کسی درد و الم داغ تمنا حسرت چھوڑے جاتے ہیں پس مرگ یہ ترکے عاشق بے سبب سیر شب ماہ نہیں ہے یہ امیرؔ ہو گئے تم بھی کسی رشک قمر کے عاشق
چاند سا چہرہ نور کی چتون ماشاء اللہ ماشاء اللہ
چاند سا چہرہ نور کی چتون ماشاء اللہ ماشاء اللہ طرفہ نکالا آپ نے جوبن ماشاء اللہ ماشاء اللہ گل رخ نازک زلف ہے سنبل آنکھ ہے نرگس سیب زنخداں حسن سے تم ہو غیرت گلشن ماشاء اللہ ماشاء اللہ ساقیٔ بزم روز ازل نے بادۂ حسن بھرا ہے اس میں آنکھیں ہیں ساغر شیشہ ہے گردن ماشاء اللہ ماشاء اللہ قہر غضب ظاہر کی رکاوٹ آفت جاں در پردہ لگاوٹ چاہ کی تیور پیار کی چتون ماشاء اللہ ماشاء اللہ غمزہ اچکا عشوہ ہے ڈاکو قہر ادائیں سحر ہیں باتیں چور نگاہیں ناز ہے رہزن ماشاء اللہ ماشاء اللہ نور کا تن ہے نور کے کپڑے اس پر کیا زیور کی چمک ہے چھلے کنگن اکے جوشن ماشاء اللہ ماشاء اللہ جمع کیا ضدین کو تم نے سختی ایسی نرمی ایسی موم بدن ہے دل ہے آہن ماشاء اللہ ماشاء اللہ واہ امیرؔ ایسا ہو کہنا شعر ہیں یا معشوق کا گہنہ صاف ہے بندش مضموں روشن ماشاء اللہ ماشاء اللہ