باغ جہاں کے گل ہیں یا خار ہیں تو ہم ہیں (خواجہ میردرد)

ہم تجھ سے کس ہوس کی فلک جستجو کریں

ہم تجھ سے کس ہوس کی فلک جستجو کریں دل ہی نہیں رہا ہے کہ کچھ آرزو کریں مٹ جائیں ایک آن میں کثرت نمائیاں ہم آئینے کے سامنے جب آ کے ہو کریں تر دامنی پہ شیخ ہماری نہ جائیو! دامن نچوڑ دیں تو فرشتے وضو کریں سر تا قدم زبان ہیں جوں شمع گو کہ ہم پر یہ کہاں مجال جو کچھ گفتگو کریں ہر چند آئینہ ہوں پر اتنا ہوں ناقبول منھ پھیر لے وہ جس کے مجھے روبرو کریں نہ گُل کو ہے ثبات نہ ہم کو ہے اعتبار کس بات پر چمن ہوسِ رنگ و بو کریں ہے اپنی یہ صلاح کہ سب زاہدانِ شہر اے درد! آ کے بیعتِ دستِ سبو کریں

— خواجہ میر درد