سپیکرز
نور مائیر کا پیش کردہ کلام
ایمان
وقت چلتا ہی رہا کرتا ہے رُکتا تو نہیں لوگ ملتے ہیں بچھڑ جاتے ہیں پھر ملتے ہیں راستے ہاتھ نہیں آتے کبھی اور کبھی پیروں سے آآ کے لپٹ جاتے ہیں یونہی اک آس سی رہتی ہے ہمیں ممکن ہے انہی رستوں پہ اچانک یونہی چلتے چلتے کل نہیں تو آج، نہیں آج تو کل دل کی دھرتی پہ کسی روز کھلو گے تم بھی دل یہ کہتا ہے کہ اک روز ملو گے تم بھی
دل کی چوکھٹ پہ جو اک دیپ جلا رکھا ہے
دل کی چوکھٹ پہ جو اک دیپ جلا رکھا ہے تیرے لوٹ آنے کا امکان سجا رکھا ہے سانس تک بھی نہیں لیتے ہیں تجھے سوچتے وقت ہم نے اس کام کو بھی کل پہ اٹھا رکھا ہے روٹھ جاتے ہو تو کچھ اور حسیں لگتے ہو ہم نے یہ سوچ کے ہی تم کو خفا رکھا ہے تم جسے روتا ہوا چھوڑ گئے تھے اک دن ہم نے اس شام کو سینے سے لگا رکھا ہے چین لینے نہیں دیتا یہ کسی طور مجھے تیری یادوں نے جو طوفان اٹھا رکھا ہے جانے والے نے کہا تھا کہ وہ لوٹے گا ضرور اک اسی آس پہ دروازہ کھلا رکھا ہے تیرے جانے سے جو اک دھول اٹھی تھی غم کی ہم نے اس دھول کو آنکھوں میں بسا رکھا ہے مجھ کو کل شام سے وہ یاد بہت آنے لگا دل نے مدت سے جو اک شخص بھلا رکھا ہے آخری بار جو آیا تھا مرے نام وصیؔ میں نے اس خط کو کلیجے سے لگا رکھا ہے